Menu
Euskal Estatistika Erakundearen (Eustat) datuen arabera, Oarsoaldeko etxebizitzen batez besteko antzinatasuna 46 urtetik gorakoa da. Hau da, legeak eraikin berriak isolamendu termiko ona izatera behartu aurretik eraiki ziren. Ondorioz, ordutik zure eraikina eraberritu ez bada, oso litekeena da zure etxebizitzak hotz eta bero galerak izatea.
Etxebizitza behar bezala isolatuta egoteagatik tenperatura-galerak murriztuta erosoago egongo zara eta, gainera, berokuntzan eta aireztapenean dirua aurreztuko duzu. Horrez gain, birgaitasuna egiteko hainbat erakundek ematen dituzten laguntzak jaso ditzakezu.
Hurrengo aurkezpenean, Energia Dibertsifikatzeko eta Aurrezteko Institutuak (IDAE) argitaratutakoa, zure etxeko energia behar bezala birgaitzeko gakoak aurkituko dituzu.
Azken urteotan energia-birgaitze ugari egin dira gure eskualdean, Oarsoaldeko Birgaitzeko Hirigintza Elkartearen (BHE) datuen arabera:
Zure eraikinean birgaitze energetikoa egin nahi baduzu, garrantzitsua da aldez aurretik zure udaleko dagokion sailarekin harremanetan jartzea, obra arazorik gabe egin dezakezula ziurtatzeko.
Hori bereziki garrantzitsua da Pasaiako edo Errenteriako hirigune historikoetan bizi bazara, bi udalerriek Hirigune historikoa birgaitzeko Plan berezia baitute, eta zure proiektuak bateragarria izan behar du plan horrekin.
Izapide honetarako laguntza behar baduzu, jar zaitez gurekin edo Oarsoaldeko SURekin harremanetan eta prozesuan lagunduko dizugu.
Hauek dira Oarsoaldean egindako birgaitzeen benetako adibide batzuk, egindako obren xehetasunekin, lortutako emaitza energetiko eta estetikoekin eta ekintzen zenbatekoarekin:
